主页 > G亮生活 >【轮证赢家】冷吼银娱熊 >

【轮证赢家】冷吼银娱熊

2020-06-13  点赞472   浏览量:988
【轮证赢家】冷吼银娱熊放大图片

今日同平时一样都係搭9点钟嗰班巴士,平时就大约9点半至9点35分落车,今日就塞到依家10点22分先返到公司,anyway,市已开。

9月新局新开始,今朝恒指开市报25627点,跌97点,到我返到公司时已经见过跌过百点,check完一堆email,覆咗啲比较紧要嘅之后,依家10点33分见恒指跌幅收窄咗,依家做紧25625点,跌97点。

睇返恒指日线图,依家见阴阳烛图上恒指暂呈「十字星」,而上个星期10天线升穿20天线个「短期黄金交叉」又真係好短期,皆因见条10天线(25873点)今日势头向下,而20天线(25834点)又势头向上喎,换之言呢个「短期黄金交叉」有机会喺短时间内变返做「短期死亡交叉」。换条保历加通道出嚟睇,见保历加通道口收窄,暗示大市稍后日子升/跌嘅空间比之前係收窄咗。

望望下方技术指标,SlowSTC(14,3)两线处于中轴水平,14RSI落到3X呢个位又未到超卖,DMI嘅+DI虽然未同-DI相遇,但两线线口今日处于水平,同步见ADX亦横行,暗示个市未有明确方向,只係见到MACD喺熊区出现牛差距,都係嘅,就咁睇个日线图都见有跌定之嫌(至少唔係7月嗰时大大个裂口係咁杀落去先啦)。

仲记得上星期喺日线图上昼咗个「三角形」出嚟,今日再画多次见恒指粒烛处于「三角形」底部,依家10点50分恒指跌幅又扩大至跌211点,做紧25513点,开埋恒指牛熊证街货图计牛熊街货中间位(26000+25399)/2=25699.5,现比低中间位186.5点,而见下方最贴价牛证25300至25399有相当于477张期指,但25200至25299点就有成800张期指,会唔会唔理个「三角形」,事旦叉只脚落去杀咗呢part街货之后,先至再重整个「三角形」?真係有咁嘅可能。

等恒指会唔会杀25200至25299点街货嘅同时,见昨日出咗条澳门博彩数据,应该都係衰架啦,如果唔係银娱(00027)又点会无啦啦跌成2.8%先得架。开银娱日线图,见今日粒烛跌返落去20天线($47.982),而下方见SlowSTC(14,3)%K线高位跌穿条%D线,短炒银娱今转受行业数据同大市气氛向下亦未尝不可,银娱熊(52191),收回价$54.88,同现价有约14.3%差距,属安全,槓桿比率约5.58倍虽然不算突出,但胜在街货少。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:【轮证赢家】冷吼银娱熊[email protected];FB:轮证赢家

放大图片

相关阅读