33款日本洗头水+护髮素最强比拼

潮流兴染髮、电髮，玩得多过头，髮质受损程度自然会愈来愈严重！每当去买洗头水，拣来拣去都唔知到底边支先好用，乱咁试，仲有可能会令头皮敏感！日本杂誌《LDK》做咗个洗头水+护髮素系列测试，睇睇33款产品中，边款真係可以令髮质「重生」！

评分方法

杂誌先将产品按种类分为「保湿」、「修护」、「清爽」、「头皮护理」、「低刺激」5种。再经由3个重点测试进行评级，最后整合出综合评价（评级：A～E）检验产品成效，以供读者参考。

测试方法

将3个重点测试分5个阶级进行评级。

TEST 1：成分

以专家的意见为基準，评价重点成分。优良成分较多嘅产品会有较高评价，而加入咗有机会造成刺激嘅成分，会降低产品评价。

TEST 2：使用感

由起泡状况、沖洗方便度，至产品嘅香味，邀请咗近30名监测员实际进行产品试用，再进行使用感调查。评级为洗头水+护髮素集合计算嘅平均值。

TEST 3：光滑感

使用摩擦计测试使用完系列产品、已吹乾嘅头髮光滑度。测试3次后，从平均值对各项产品进行相对评价。数值愈细，头髮愈光滑。

01｜保湿型

资生堂TSUBAKI植萃瞬透保湿系列

成分：★☆☆☆☆

使用感：★☆☆☆☆

光滑感：★★★★★

虽然係renew咗嘅「TSUBAKI」，但主要清洁成分加入咗容易造成刺激嘅「月桂基硫酸钠」。洗髮后，能成功洗走油份，髮丝清爽。用埋护髮素后，头髮虽能变得水润，但刚洗完时，有令人在意嘅强烈香味。

Kanebo SALA保湿清爽洗头水＋护髮素

成分：★★☆☆☆

使用感：★★★☆☆

光滑感：★★★★★

洗头水嘅使用感非常普通，用咗护髮素后，先做到清爽效果，光滑感满分！翌日早晨头髮都唔会变乾燥。虽有加入到保湿成分，但「月桂基硫酸钠」等稍为NG嘅成分较多。

I-ne BOTANIST BOTANICAL SHAMPOO+TREATMENT

成分：★★☆☆☆

使用感：★★☆☆☆

光滑感：★★★★★

起泡效果差，而且无法改善头髮打结情况，使用感非常一般。但护髮素加入咗多种令头髮带有光滑感嘅成分，头髮因而变得水润。虽然标榜由植物提取而来嘅成分，但加入咗「甲基异噻唑啉酮」等杀菌剂，有可能扰乱头皮状况。

Stella Seed Amino Mason Whip Cream Shampoo+Milk Cream Treatment

成分：★★★★★

使用感：★★☆☆☆

光滑感：★★☆☆☆

加入咗胺基酸系嘅稳定清洁成分，以及满满保湿成分，获得高分成分分！亦因此保湿效果较强，而光滑感则一般。最重要的洗头水起泡状况优良，泡沫丰盈。但沖洗较为需时，会增加咗头髮间嘅摩擦。包装超级可爱，但效果令人可惜。

Japan Gateway Reveur Fraicheur Moist Shampoo+Treatment

成分：★★★★☆

使用感：★★★☆☆

光滑感：★★★☆☆

透过植物性油及泛醇嘅成分配合，能有效防止头髮变得乾燥及有效带来光泽。洗头水虽能擦起绵密泡沫，但沖洗时头髮会打结。用完护髮素后，会强烈感受到水润感，但光滑感只有平均值。

ViCREA hacica Deep Moist Shampoo+Hair Treatment

成分：★★★★★

使用感：★★★★☆

光滑感：★★★☆☆

加入「蜂蜜」及「桩花油」成分配合，製成能边清洁头髮，边保持水润嘅配方。起泡状况较粗糙，但洗头时触感柔软。护髮素中嘅油份较少，虽稍为难渗透到髮丝中，但洗头水能够将乾燥嘅头髮抚平，并增强髮丝弹力。

COLOURS THE PUBLIC ORGANIC Super Refresh Shampoo+Treatment

成分：★★★☆☆

使用感：★★★★☆

光滑感：★★★☆☆

洗头时头髮唔会打结，且带有清爽系嘅天然香薰味道，能令人心情舒爽，使用感有好成绩。由于係无硅洗髮系列，因此光滑感只有普通值，但能够洗出不黏腻又轻盈嘅头髮。成分之一嘅乙醇係植物萃取物嘅溶剂。

Storia Diane Bonheur Moist Relax Shampoo+Treatment

成分：★★★★★

使用感：★★★☆☆

光滑感：★★★★☆

Diane嘅新系列「Diane Bonheur」係有稳定清洁成分嘅植物系成分产品。用洗头水洗髮时虽稍为打结，但因成分加入咗满满嘅植物油，使用完护髮素后，头髮就带有光滑感。唯一令人却步嘅係花系香味过于强烈。

KOSÉ BIOLISS Botanical Deep Moist Shampoo+Conditioner

成分：★★★★☆

使用感：★★★☆☆

光滑感：★★★★★

加入咗大量植物萃取物嘅Botanical系新製品「BIOLISS」。洗头水、护髮素使用感轻盈，含有适度油份，头髮嘅顺滑感一流！虽然含有「月桂基硫酸钠」，但主要清洁成分係安稳嘅天然胺基酸系成分。

Kracie Dear Beaute HIMAWARI Oil in Shampoo(Rich & Repair)+Treatment(Rich & Repair)

成分：★★★★☆

使用感：★★★★☆

光滑感：★★★★☆

处方加入咗大量太阳花油及萃取物配合成分，抚平头髮毛燥感，令髮丝变得水润。由于令头髮贴服嘅效果非常显着，因此推荐头髮散乱人士使用。起泡状况良好，洗完后头髮清爽轻盈，使用感亦非常之好，係杂誌选出嘅「Best Buy」最强系列产品！

02｜修护型

Unilever Dove Botanical Selection Damage Protection Shampoo+Conditioner

成分：★☆☆☆☆

使用感：★★★★☆

光滑感：★★★☆☆

护髮素加入咗比「月桂基硫酸钠」更强刺激性嘅清洁成分「十二烷基苯磺酸」，个别计算成分只有1星评价。使用感完美冇挑剔位，吹乾后嘅头髮亦非常贴服，但基于成分问题，无法推荐使用。

Unilever LUX Premium Botanifique Damage Repair Shampoo+Treatment

成分：★☆☆☆☆

使用感：★★★☆☆

光滑感：★★★★★

同Dove一样，护髮素加入咗刺激性强嘅清洁成分。虽然係会沖走嘅，但考虑到可能会残留喺头皮上嘅可能性，敏感肌人士最好唔好使用喇！洗髮后头髮质感水润，光滑感有高评价，成分配合较为可惜。

P&G PANTENE Extra Damage Care Shampoo+Treatment in Conditioner

成分：★★☆☆☆

使用感：★★★☆☆

光滑感：★★★★☆

喺加入咗毛髮修护成分「泛醇」配合嘅产品中最为出名。虽然洗髮后确实有光滑、光泽感，但杀菌剂等配合嘅成分太旧。套装价格虽然平，但护髮素都係拣其他产品较好。

Beauty Experience HoneycéDeep Moist Repair Shampoo+Treatment

成分：★★★☆☆

使用感：★★★★☆

光滑感：★★★★☆

使用洗头水时，打结状况较少，泡沫丰盈水润，再配合护髮素使用，能增添水润感，使用感获得高评价。虽然含有蜂蜜、植物油、保护角质层嘅成分，但因为加入咗杀菌剂而无法提高成分评价。

Stella Seed Ahalo Butter Rich Gloss & Damage Repair Moist Shampoo+Treatment

成分：★★★★★

使用感：★★★☆☆

光滑感：★★★★☆

成分加入咗植物性油份及神经醯胺配合等重视保湿嘅成分，因此成分评价有5星。虽然洗头水泡沫唔多，但甜甜嘅香味恰到好处，使用护髮素后，头皮同头髮都非常水润。

Yamasaki La Sana 海藻 海泥 Shampoo+Treatment

成分：★★★★☆

使用感：★★★☆☆

光滑感：★★★☆☆

係加入咗海藻、海泥嘅个性产品。天然染料能将受损头髮嘅泛红清除。洗头水起泡情况一般，但由于係修补功效高嘅系列，推荐头髮受损人士使用。

GAIA NP AROMA KIFI Damage Care Shampoo+Treatment

成分：★★★★★

使用感：★★★☆☆

光滑感：★★★★☆

加入咗胺基酸同蛋白质成分配合，值得期待对修补受损髮质嘅功效能力。带有天然精油嘅高级香气，虽然唔会有丰盈嘅泡沫，但使用感非常自然。以无硅产品系列而言，使用护髮素后，头髮嘅光滑感更为明显。

Clue SOWA SOWA Pure Damage Care Shampoo+Treatment

成分：★★★★★

使用感：★★★★☆

光滑感：★★★★★

除咗胺基酸系嘅清洁成分同植物萃取物之外，仲有胶原蛋白等修补效果值得期待嘅成分。护髮素效果良好，摩擦计嘅检测数值近乎0，光滑感满分。由沖洗时嘅使用感，到吹乾后嘅状态都非常优秀，值得一试！

Storia Moist Diane Extra Damage Repair Shampoo+Treatment

成分：★★★★★

使用感：★★★★☆

光滑感：★★★★☆

翻新后嘅Moist Diane将清洁成分改良得更安稳。而且更加咗满满对保湿同修补受损髮质嘅功效期待度高嘅成分。虽然洗头水嘅使用感非常一般，但泡沫丰盈，使用护髮素后，能令头髮有水润感及变得柔软。

03｜清爽型

KOSÉ Je l’aime Relax Straight & Sleek Shampoo+Treatment

成分：★★★★☆

使用感：★★★☆☆

光滑感：★★★★☆

Je l’aime嘅新系列「Relax」係以植物由来成分为主嘅botanical处方。洗头水泡沫丰盈，使用护髮素后，能边保留水润感，边令头髮变得清爽嘅理想状态。甜味较重嘅香味喺监测员之间，有着明显嘅喜恶分别。

KOSÉ STEPHEN KNOLL Premium Sleek Shine Repair Shampoo Silky Smooth+Conditioner

成分：★★★☆☆

使用感：★★★☆☆

光滑感：★★★★★

光滑感喺33款产品中排第2位，用风筒吹乾头髮后，触感依旧顺滑，效果超优秀！洗头水泡沫丰盈，光滑感亦都有5星，但因为护髮素加入咗有机会造成刺激嘅成分，因此建议敏感肌人士都係避免使用较好。

KOSÉ Nature & Co Botanical Shampoo+Conditioner

成分：★★★★☆

使用感：★★★☆☆

光滑感：★★★★☆

加入咗有保湿效果嘅植物性油份配合，以无硅系列产品而言，用风筒吹乾后嘅光滑感较为良好。特别係洗头水使用感良好，泡沫丰盈有弹性，但护髮素嘅水润感较少，香味都好一般。

Kracie いち髪 Smooth Care Shampoo+Conditioner

成分：★★★☆☆

使用感：★★★★☆

光滑感：★★★☆☆

除咗使用感良好，「香味非常讨喜」嘅声音都好多嘅就係「いち髪」系列。加入咗「牡丹提取物」等具有日本风味嘅植物萃取物配合成分。护髮素中含有NG成分，令评价稍稍降级。

ViCREA ECOLOVISTA Shampoo(Smooth Repair)+Hair Treatment

成分：★★★★☆

使用感：★★★☆☆

光滑感：★★★☆☆

加入咗较多令头髮有弹力及光泽感嘅成分，因此成分评价较高。但护髮素嘅效果低，用风筒吹乾后，水润感较弱。对受损髮质不太好。

04｜头皮护理

P&G h&s Moisture Series头皮护理Shampoo+Conditioner

成分：★☆☆☆☆

使用感：★★☆☆☆

光滑感：★★★★☆

头皮护理老舖嘅「h&s」嘅翻新产品，但NG成分好多。「有效成分」都含有强力杀菌剂。由于会将常在菌都杀死，可能会导致头皮环境嘅平衡受到破坏。而且泡沫嘅状态亦较差，香味亦冇正评，可说是冇优点嘅一款产品。

花王 merit PYUAN Active & Smile Shampoo+Conditioner

成分：★☆☆☆☆

使用感：★★★☆☆

光滑感：★★★★☆

洗头水泡沫丰盈，使用护髮素后嘅头髮状态亦有弹力、光滑感。但NG成分较多，特别係会洗到头皮嘅洗头水中亦含有刺激性成分。因此，无法以头皮护理产品作为推荐。

松本清 ARGELAN Aroma头皮护理洗头水+护髮素

成分：★★★☆☆

使用感：★★★☆☆

光滑感：★★☆☆☆

「ARGELAN」係只用天然精油嚟增添香味嘅洗头水系列。成分配合加入咗能有效清除头皮污垢嘅植物萃取物等成分，处方均针对头皮护理。虽然香味令人舒服，但因为係无硅产品，沖洗时头髮会打结，吹乾后光滑感弱，略为可惜。

SARAYA Cocopalm Natural Shampoo+Treatment

成分：★★★☆☆

使用感：★★★★☆

光滑感：★★★☆☆

因为加入咗胺基酸系嘅清洁成分，泡沫质感丰盈，护髮素亦有水润感。吹乾后头髮虽有柔软感，但光滑度只有平均值。

多田 CLAYGE Shampoo S+Treatment S

成分：★★★☆☆

使用感：★★★★☆

光滑感：★★★☆☆

成分配合加入咗能吸附污垢嘅黏土成分「膨润土」。起泡状况迟钝，但洗头时触感光滑。护髮素质感稍为黏滑，但整体感觉及效果清爽。

05｜低刺激

牛乳石硷 Cow Brand 无添加洗头水(清爽型）+护髮素(清爽型)

成分：★★★★☆

使用感：★★★☆☆

光滑感：★★☆☆☆

标榜「无添加」就当然冇加入到刺激性成分，但同时，保湿同光滑效果嘅有效成分都几乎冇。沖洗后虽然感觉清爽，但护髮素效果薄弱，以系列使用嘅话，只会令头髮变得乾燥。适合小朋友同有健康髮质嘅人士。

BbyE 凛恋 玫瑰与桩花洗头水+护髮素

洗头水：1,998円/520ml

护髮素：1,998円/520ml

成分：★★★★★

使用感：★★★☆☆

光滑感：★★★☆☆

加入咗桩花等大量植物美髮成分，清洁成分亦属低刺激。洗头水係清爽型，使用护髮素时虽有水润感，但同其他无硅产品一样，最终效果缺乏光滑感。而天然玫瑰香则是个人喜恶嘅划分之处。

Beauty Experience Pure Natural Shampoo(Yuzu)+Treatment(Yuzu)

成分：★★★★★

使用感：★★★★☆

光滑感：★★★☆☆

喺药妆店常见嘅「Pure Natural」柚子香味款。洗头水泡沫较少，但使用护髮素后，头髮顺滑不打结，香味宜人，使用感亦冇挑剔之处，获得高评价。成分都获得5星好评，整体获得A级评价。由于係数量限定品，如果喺店面见到，毫无悬念立即购入！

第一三共 Minon 药用洗头水(保湿型)+药用护髮素(保湿型)

成分：★★★★★

使用感：★★★★☆

光滑感：★★★★☆

因为属于敏感肌向，所以洗头水同护髮素都加入咗有抗炎作用成分、胺基酸系嘅安稳成分。质感幼细嘅绵密泡沫能充分洗净头皮，沖走护髮素后，有明显清爽感，用后头髮超顺滑，无可挑剔！

延伸阅读：44款洗头水验出二噁烷、致敏防腐剂!! 16款安全洗髮水＋注意事项

延伸阅读：20款人气美肌卸妆油最强测试｜Shu Uemura超保湿、排名第一嘅係⋯