主页 > G亮生活 >衰仔去咗边?「旅行青蛙」大热 讲中浪子旅人心声! >

衰仔去咗边?「旅行青蛙」大热 讲中浪子旅人心声!

2020-08-03  点赞143   浏览量:286
一段时间无劲手机Game推出,点知《旅かえる》旅行青蛙竟然成功弹出,令港中台的人都疯狂沉迷,日日夜夜等只衰仔返屋企!作为一位旅人,呢只无「无脚」嘅青蛙粒声唔出就走咗去旅行,其实都几窝中经常在旅途上嘅人嘅心声!

text:孖田|photo:《旅かえる》游戏截图

旅行青蛙:唔刺激又无互动 Click中旅人心理

老老豆豆,游戏本身无甚幺胜负之分,青蛙仲好Cool咁,粒声唔出在家看书写文甚至远走高飞,忽然返咗嚟又会乖乖带明信片同手信回家,其实无乜点同主人互动,但就凭可爱画风同明信片变化多吸引人,台湾代表有五月天阿信、S.H.E. Selina等都有玩,香港代表就有903 DJ麻利,佢仲响电台节目教Do 姐玩旅行青蛙!游戏玩法就唔再多讲,不过中台两岸的心理师都劲分析游戏嘅好玩之处。唔讲唔觉,用下心理分析就会发现,我哋都几似青蛙仔㗎!

衰仔去咗边?「旅行青蛙」大热 讲中浪子旅人心声!
麻利不单止在FB page,节目上都有介绍,即刻劲多回应,但理性派Do 姐就话无聊喎。(麻利亚facebook截图)
衰仔去咗边?「旅行青蛙」大热 讲中浪子旅人心声!
游戏重点係收集明信片,张张唔同,画风疗癒。(麻利亚facebook截图)
01|体验父母心:衰仔去咗边?

网友称呢款游戏做佛系养蛙,因为养青蛙就好似提早做父母咁:阿蛙仔日日喺屋企咩,你又觉得佢Hea,担心佢挂住睇书、写明信片搞咁耐,唔食麵包,一搞就几个钟;到你离开游戏再入去,先发现佢唔声唔声出咗门,又唔讲低几时返,搞到人心挂挂,成日入去游戏Check 住。心谂:衰仔都讲声喺边,send 两张相嚟睇吓肥咗定瘦咗吖!

呜呜,阿妈,我知你平时係咩心情喇!玩还玩,去关心吓父母先啦喂!

衰仔去咗边?「旅行青蛙」大热 讲中浪子旅人心声!
蛙蛙返到嚟屋企又唔食饭,挂住写日记同睇旅游书,又要担心佢变毒男蛙!
衰仔去咗边?「旅行青蛙」大热 讲中浪子旅人心声!
丫你个衰仔越叫越走㗎喎!咁你今晚返唔返嚟食饭?煮唔煮你米呀?(《家有囍事》截图)
02|无脚的浪游人心态

无错,呢只蛙仔根本就係无脚嘅雀仔。平时喺屋企宅蛙一名,又唔同玩家互动,走咗去旅行又唔出声,去边去几耐又唔知,只係收到佢明信片,有蝴碟、老鼠仔、蟹仔做朋友咁。係咪好似嗰个裸职去南美做backpacker 、去澳洲working holiday、去法国学整饼嘅friend 子,久唔久又post 吓同新朋友仔的相呢?每个朋友圈中总有个咁嘅人,唔少浪游人都觉得旅蛙有自己的影子呀!

衰仔去咗边?「旅行青蛙」大热 讲中浪子旅人心声!
睇睇吓,旅蛙都有史力奇的影子;除咗都係绿色为主外,两者都好锺意去旅行做浪子!
衰仔去咗边?「旅行青蛙」大热 讲中浪子旅人心声!
日本网民仲整理咗张旅蛙日本旅游地图,分分钟去得多地方过你同我!(网上图片)
衰仔去咗边?「旅行青蛙」大热 讲中浪子旅人心声!
买帐幕就走去露营,据游戏公司指蛙蛙最长可远行4日,挂死人!
衰仔去咗边?「旅行青蛙」大热 讲中浪子旅人心声!
蛙蛙去的景点全部係真,例如秋田县男鹿市北浦的入道埼灯塔,同实物一模一样架!(网上图片)
03|击中孤独的心灵

「男孩像你也像我百万个不止 大路名字但奇特因子」,有心理学家甚至认为,呢只青蛙根本就係涵盖所有城市人的心理。如果话大家养青蛙,不如话係照镜!青蛙仔似个需要被照顾的小朋友,人人自称青蛙係自己个囝囡,但其实就係填补情感空窗的缺口。

衰仔去咗边?「旅行青蛙」大热 讲中浪子旅人心声!
养只无负担蛙,又可寄托感情。

有指呢只游戏喺日本最受20-30代女性欢迎;我们都寂寞,反正养电子蛙,成本低,课金买三叶草都好平,有话题性又唔驶Check 住晒,够方便忙碌嘅都市人。咪睇少寂寞嘅威力,英国政府早前就设立咗「孤独大臣」嘅职位,帮助人抒解心灵空虚。我哋日忙夜忙,每日迫车返工、每晚默默返归,长期做低头族,又何尝有同人交流?但望吓只青蛙仔,又潇潇洒洒咁去左旅行,影咁多靓相,无负担话走就走,想点就点,唔係你同我嘅梦想咩?

衰仔去咗边?「旅行青蛙」大热 讲中浪子旅人心声!
你个嘢吖!又準备出走!靠只青蛙仔代我哋发旅游梦,呜呜⋯⋯

一只青蛙仔都够胆去浪游,反而我哋就惊呢惊路,谂落都几可悲,不如鼓起勇气起行啦喂!

04|打和!人人都係赢家

同一般游戏唔同,旅游青蛙无输赢之分,虽然可以课金,但有耐性一样可收集免费三叶草,暂时亦都未有所谓嘅大结局。喺游戏入面,没有打大佬的目标,也没有概定「成功、胜负」的準则。有心理分析就指,大家唔需要为成功感而执着,所谓的「牵绊感」都可以得到满足同幸福感。呢种慢慢得返嚟嘅情感,无得同人比较,係咪更窝心先!

衰仔去咗边?「旅行青蛙」大热 讲中浪子旅人心声!
没有概定「成功、胜负」的準则,大家唔需要为成功感而执着,打和~(无綫电视截图)

中国网络传闻青蛙出门几日唔返,之后就见到被怪兽食咗,甚至收到俾车压扁成蛙乾的照片;又有传游戏开发商指不想做个玩唔完的游戏,意味青蛙有结局。后来都被证实係流料,好在啫,蛙蛙要出入平安呀!

衰仔去咗边?「旅行青蛙」大热 讲中浪子旅人心声!
求祈整坛红色、打吓格仔,又真係有人信蛙蛙惨死!
衰仔去咗边?「旅行青蛙」大热 讲中浪子旅人心声!
呢张改图都吓亲中国唔少蛙妈。细睇画风,只怪兽线条好粗糙㗎!
衰仔去咗边?「旅行青蛙」大热 讲中浪子旅人心声!
呢张改图都吓亲中国唔少蛙妈。细睇画风,只怪兽线条好粗糙㗎!
衰仔去咗边?「旅行青蛙」大热 讲中浪子旅人心声!
就係呢张令唔少人以为青蛙会被车撞死!
05|永远都估你唔到

旅蛙嘅另一个乐趣,在于永远估唔到自己只爱蛙会寄咩明信片返嚟,有无识到新朋友(老鼠、蟹、蝴碟等)。买不同食物、道具、护身符,再加埋抽奖嘅礼物,都会出现唔同嘅明信片,组合多到买六合彩咁。就算係买一样嘅道具,你同Friend子只蛙蛙都可能寄唔同明信片俾你。好似我哋人人都去日本,但人人都会有唔到嘅历程同体验,简直係人生缩影呀,係咪好有哲理呢!

衰仔去咗边?「旅行青蛙」大热 讲中浪子旅人心声!
一样喺草堆食嘢,但出场嘅朋友就唔同咗。
衰仔去咗边?「旅行青蛙」大热 讲中浪子旅人心声!
3张整温泉蛋,都有唔同朋友。
衰仔去咗边?「旅行青蛙」大热 讲中浪子旅人心声!
毒蛙一个去草津温泉,同埋朋友去又得!
衰仔去咗边?「旅行青蛙」大热 讲中浪子旅人心声!
之前嘅灯塔位,一样可以有变化。

除左之前提到嘅日本景点外,蛙蛙仲会同Friend子去不知名嘅地方。例如俾蝴蝶「的」住飞、去老鼠屋企探鼠家族、同雀仔倾计等等。有咩秘景,就要睇玩家点组合道具了!一个无得控制、无概定方式嘅游戏,就係咁捉晒大家心理大爆红!

衰仔去咗边?「旅行青蛙」大热 讲中浪子旅人心声!
中国网民整理咗蛙蛙去的秘点明信片,根本睇唔出景点,但属较罕有,令玩家不断想收集更多!
下一页:五月天阿信、Selina都玩大热手游!《旅かえる》旅行青蛙新手入门攻略

衰仔去咗边?「旅行青蛙」大热 讲中浪子旅人心声!延伸阅读:屯门→挪威|80后港女踏竹单车出走 踩足2万公里浪游世界

衰仔去咗边?「旅行青蛙」大热 讲中浪子旅人心声!

延伸阅读:《3日2夜》跟张曦雯:酒店抱树熊!玩尽昆士兰 10大必玩体验

衰仔去咗边?「旅行青蛙」大热 讲中浪子旅人心声!

相关阅读